Просо со зеленчуци – со грашок или со брокула
Прд неколку дена со една другарка зборевме за просо и еве дене уште две варијации.
Освен супата од тиква со просо, тој варијант на просо со зеленчук и супата од тиквици со просо, тие две јадења често присуствуват во нашето мени.
Намирници:
За првото:
- 1 глава кромид
- 2-3 моркови
- 200гр грашок
За второто:
- 1 глава кромид
- 2-3 моркови
- 100гр брокули (може и повеќе)
- 1 мал корен пашканат
- половина свежа црвена пиперка
За двете се потребни 200-250гр просо.
Зашто просото упива вода 1:4, количината готово јадење е прилично голема.
Принципот е: се ставаат ситно изецканите зеленчуци со сосема малку вода и сол да омекнат. Потоа се додава просото и вода. Убаво е да се мерат и двете со ист сад, за да не остане вода и да испадне кашесто просото. Ринглата се намалува на најслабо и тенџерата се покрива со капак. Треба да се проверува и да се промешува за да не загори дното.
Готово е кога просото е добро сварено и е упило целата течност.
Може да се додаде и малку лук.
Вкупно – околу 120 денари.
Сум пробала да смрзнам во комора сварено просо, но од кога ќе се одмрзне не е убаво за јадење.
